倫敦玩裸 天台睇戲坦蕩蕩

(文章來源:果籽)連說粗口也要見報,香港還能容下多少創意?只要有諗頭,就算是兒時妙想天開,跟朋友在後花園放一池水投影睇片的輕狂事,也可以變成一門生意。來到沒有框框局限創意的倫敦,才能遇上有趣的人和事!

體驗,由此出發

散場變舞池 開濕身派對

每次在外地入住靚酒店,眼見浴室內浴缸附送設電視,都會想邊浸浴邊睇戲煲劇,誰知喜歡此道的不只我,還有在倫敦東區某大廈天台開設Hot Tub Cinema的三人組。顧名思義,Hot Tub Cinema就是一邊浸浴一邊看電影的酷玩意,主腦之一Asher是個愛電影之人,無片不歡,八年前跟室友合資買了第一個戶外浴池,就染上了浸熱水浴的嗜好,後來搬出投影機,在屋企後院用繩索掛起白床單投射播電影,自此不能自拔跟朋友分享此樂趣。去年七月,Asher終於聚合到幾位有電影和餐飲背景的朋友,一起在東倫敦開設Hot Tub Cinema,一傳十,十傳百,短短一年已被倫敦Timeout選為最佳戶外電影體驗!

爬上三層樓來到Hot Tub Cinema,正值夏末之時,日照到九點,不過天台影院六點半就開放,先讓大家換好泳裝,飲飲酒熱熱身進入hang out狀態。眼見當日全場爆滿,18個吹氣浴池差不多上百人拖男帶女,碧波肌肉蕩漾,不少人都是初次來到,肉帛相見加上陌生面孔也毫不欺場,因為大多數人都是一班朋友包池聚舊慶生,香檳緊接啤酒又哪來尷尬場面呢?八時正電影開始,當晚播放的正好是John Cusack的《Hot Tub Time Machine》,Asher說每晚都會選一些輕鬆喜劇播放,例如《Zoolander》、《美國處男》等不用費神追劇情的,最適合跟朋友邊浸邊享受。電影播放期間,終於有時間捉住忙着打點一切的Asher問幾句,他說創辦Hot Tub Cinema這一年來,天天也有不同驚喜,試過就有一百人包場辦生日會,全晚玩得勁癲喪!即使是去年冬天移師入舊倉庫內,抑或下着大雨,大家都很享受半裸看電影,亦因為儲了一點資金,今年多買了一個投射屏幕同步播戲,無論躺在水池任何位置都可以看電影。有別正正經經在戲院,這兒可以隨便食爆穀、講電話、傾劇情、飲啤酒,看着天色染紅再變黑,吹着一點涼風,嗅着一點氯氣味道,實在寫意!完場後,水池頓時變成舞池,噴出按摩泡泡,在強勁音樂之中,大家立即進入派對模式,跳舞至深夜才散場!

香蕉和西瓜平日是大會工作人員,今晚做客跟朋友賀壽。

靚仔靚女全晚啤酒香檳沒離手,攬攬錫錫志不在睇戲!

這是場內掛起的短褲和比堅尼旗海,不代表有人脫清光啊!

 

Hot Tub Cinema

地址:10-14 Hewett Street, London
收費:每人$360,每池$2,160-$2,880
網址:http://hottubcinema.com

 

Travel Memo:倫敦

簽證:特區護照或BNO均可免簽證入境。查詢:29013000(英國領事館)
機票:9月份乘維珍航空往倫敦$8,390起(未連稅)。查詢:http://www.virgin-atlantic.com
匯率:1英鎊約兌12元港幣(文中價格已折算為港幣)
實用網址:http://www.visitbritain.com(英國旅遊局)
電壓:230V,三方腳插座
鳴謝:維珍航空、The Berkeley

原文 Link http://hk.apple.nextmedia.com/supplement/travel/art/20130828/18397217 

延伸閱讀